सामाजिक जगतातील प्रेरणापत्र   मराठी | English  
सामाजिक जगतातील प्रेरणापत्र  मराठी | English  
 ब्रेकिंग न्यूज:
  • ओबीसी आरक्षणाची मर्यादा ओलांडलेल्या ठिकाणी नव्याने सोडत काढणार, न्यायालयाच्या आदेशानंतर निवडणूक आयोग सक्रिय
  • मोठी बातमी: ठरलं! मुंबईसह 6 महापालिकेच्या निवडणुका उद्धव ठाकरे अन् राज ठाकरे एकत्र लढणार
  • राज्यातील स्थानिक स्वराज्य संस्थांच्या निवडणुकीतील आरक्षणाबाबत आज पुन्हा सर्वोच्च न्यायालयात सुनावणी
  • शिकार करण्यासाठी बिबट्याची थेट घराकडे धाव; आरडाओरडा केल्यानं अनर्थ टळला, सीसीटीव्हीत कॅमेऱ्यात घटना कैद
  • 'मराठी भाषेवरून होणारं राजकारण, सक्तीसाठीचा हिंसाचार चुकीचा, पण...'; सुनील शेट्टीचं स्पष्ट मत
 जिल्हा

उरणचे समाजसेवक समीर म्हात्रे यांना 'कोकण रत्न पदवी पुरस्कार' जाहीर

विठ्ठल ममताबादे (प्रतिनिधी )    29-11-2025 10:43:24

उरण : गेल्या कित्येक वर्षांपासून सामाजिक कार्यात हिरीरिने सहभाग असलेले, सामाजिक कार्यकर्ते, शिक्षक, पत्रकार आणि उरण तालुक्यातील कळंबुसरे ग्रामपंचायतचे सदस्य समीर शंकर म्हात्रे यांना स्वतंत्र कोकणराज्य अभियाना तर्फे 'कोकणरत्न पदवी पुरस्कार जाहीर झाला आहे.

कोकणरत्न पदवी प्रदान सोहळा, शनिवार दि. १३ डिसेंबर, २०२५ रोजी सायंकाळी ४ ते ६ या वेळेत मुंबई मराठी पत्रकार भवन, आझाद मैदाना जवळ, मुंबई येथे स्वतंत्र कोकणराज्य अभियानाचे संस्थापक अध्यक्ष संजय कोकरे यांच्या अध्यक्षतेखाली होणार आहे. या कार्यक्रमाला प्रमुख पाहुणे म्हणून, वरिष्ठ पत्रकार आणि संपादक सचिन कळझुनकर यांची उपस्थिती लाभणार आहे.

समीर म्हात्रे हे कळंबुसरे, उरण गावचे सुपुत्र असून त्यांनी अत्यंत गरीबीतून उच्च शिक्षण घेऊन सामाजिक बांधिलकी जपत अनेक अनाथ-गोरगरिब, आदिवासी मुलांना मोफत शैक्षणिक साहित्य वाटपाचे कार्य अविरतपणे चालू ठेवले आहे. माणुसकीथी साथ, मदतीचा हात ! असे ब्रीदवाक्य डोळ्यांसमोर ठेवून समाजातील गोर-गरिबांना, मदतीचा हात पुढे करत सामाजिक बांधिलकी जपण्याच्या उद्देशाने दि. २२ ऑगस्ट, २०२३ रोजी त्यांनी 'सायरा समीर म्हात्रे शैक्षणिक सामाजिक संस्था, कळंबूसरे' या संस्थेची स्थापना केली. या संस्थेच्या माध्यमातून अनाथ-गोर-गरिब, आदिवासी वाड्यांवरील विद्यार्थ्यांना मोफत शैक्षणिक साहित्य वाटप, गरजूंना जीवनावश्यक वस्तूंचे वाटप, रक्तदान शिबीर, वृक्षारोपण, अनाथ मुलींसाठी मोफत शिवणकाम व MSCIT कोर्स, दिव्यांग बांधवांच्या मुलांसाठी मोफत शैक्षणिक साहित्य वाटप, अनाथ विद्यार्थ्यांसाठी मोफत शिकवणी वर्ग, सार्वजनिक पाणवठे व ग्राम स्वच्छता अभियान, चिमणी वाचवा अभियान इ. उपक्रम राबविण्यात आले आहेत.

समीर म्हात्रे हे शिक्षकी पेशा सांभाळून समाजात नेहमीच सामाजिक कार्य करत आलेले आहेत. त्यांच्या शैक्षणिक, समाजिक कार्याबद्दल अनेक पुरस्कारांनी त्यांना गौरविण्यात आले आहे. त्यामध्ये मनुष्यबळ विकास लोकसेवा अकादमी तर्फे 'गुणवंत शिक्षक गुणगौरव शिक्षकरत्न पुरस्कार २०२०', अखिल भारतीय पत्रकार व पत्रलेखक संघ आणि विश्वात्त्मक मराठी साहित्य परिषदेदवारा 'राज्यस्तरीय कोविड योद्धा समाजरक्षक महासन्मान २०२१', त्याचबरोबर शैक्षणिक क्षेत्रात केलेल्या सामाजिक कार्याबद्दल द्रोणागिरी स्पोर्ट्स असोसिएशन तर्फे 'द्रोणागिरी भूषण पुरस्कार २०२१' पुरस्काराने तसेच भाई जगताप मित्र मंडळ, मधूशेठ ठाकूर चॅरिटेबल ट्रस्ट व राजा शिवछत्रपती व ए.पी. जे. अब्दुल कलाम मित्रमंडळ यांच्या वतीने कुलाबा जीवन गौरव राज्यस्तरीय पुरस्कार २०२३" अशा एकूण १३ पुरस्कारांनी त्यांना सन्मानित करण्यात आले आहे.त्यांच्या या एकूणच सामाजिक कार्याची दखल घेऊन त्यांना हा मानाचा पदवी पुरस्कार प्रदान करण्यात येणार असल्यामुळे त्यांच्यावर अभिनंदनासह शुभेच्छांचा वर्षाव होत आहे.


 Give Feedback



 जाहिराती