सामाजिक जगतातील प्रेरणापत्र   मराठी | English  
सामाजिक जगतातील प्रेरणापत्र  मराठी | English  
 ब्रेकिंग न्यूज:
  • गुन्हा दाखल होताच निलेश राणे संतापले, रवींद्र चव्हाणांवर आगपाखड, म्हणाले, 'गुन्हा दाखल करून माझ्यासारखा माणूस डगमगणार नाही'
  • दुसरीकडे झाडं लावायला पाचपट जागा असेल तर साधुग्राम तिकडेच करा, तपोवन उद्योगपतींच्या घशात घालू नका: राज ठाकरे
  • भरधाव डंपर खडीसकट कारवर कोसळला; 4 वर्षाच्या चिमुरड्यासह एकाच कुटुंबातील 7 जणांचा अंत, काकाच्या अत्यसंस्काराला जाताना अवघं कुटुंब क्षणात उद्ध्वस्त
  • निलेश राणेंचा बळीचा बकरा केला जातोय; दुसरे कोणी रविंद्र चव्हाणांवरती का बोलत नाही? नितेश राणेंनी केली भावाची पाठराखण
 जिल्हा

प्रभाग क्रमांक ८ च्या महाविकास आघाडीच्या उमेदवारांना जनतेचा उत्तम प्रतिसाद.

विठ्ठल ममताबादे (प्रतिनिधी )    29-11-2025 18:10:36

उरण :  उरण नगर परिषदेच्या नगराध्यक्ष व नगरसेवक पदाच्या उमेदवारांनी जोरदार शक्ती प्रदर्शन करीत प्रचार सुरू केला आहे. प्रभाग क्रमांक ८ चे नगरसेवक पदाचे उमेदवार विणा राजेश तलरेजा व विजय दिलीप जाधव या नगरसेवक पदाच्या उमेदवारांनी सुरवातीपासूनच जनतेशी उत्तम संपर्क साधून दारोदारी प्रचार केला आहे.प्रत्येक घराघरात जाऊन उत्तम पद्धतीने प्रचार केला.डोअर टू डोअर प्रचारात जनतेनी सुद्धा या उमेदवारांना भरघोस मतांनी निवडून या असा आशीर्वाद दिला आहे.महाविकास आघाडी तर्फे मशाल या चिन्हावर निवडणूक लढविणाऱ्या या दोन्ही उमेदवारांच्या कार्यालयाचे उदघाटन गणपती चौक,फुल मार्केट शेजारी येथे काँग्रेसचे रायगड जिल्हाध्यक्ष महेंद्रशेठ घरत,शिवसेनेचे जिल्हाप्रमुख मनोहरशेठ भोईर,शिवसेना उपजिल्हाप्रमुख नरेश रहाळकर, गटनेते गणेश शिंदे, राष्ट्रवादी काँग्रेस पार्टीच्या महाराष्ट्र राज्य उपाध्यक्ष तथा नगराध्यक्ष पदाचे उमेदवार भावना घाणेकर, उरण उत्कर्ष समितीचे संस्थापक अध्यक्ष गोपाळ पाटील यांच्या उपस्थितीत संपन्न झाले. यावेळी उपस्थित मान्यवरांनी उमेदवार वीणा तलरेजा,विजय जाधव यांना विजयासाठी शुभेच्छा दिल्या.

 स्थानिक भूमीपुत्र असलेल्या विणा तलरेजा या गेली १७ ते १८ वर्षापासून सामाजिक क्षेत्रात कार्यरत आहेत त्यांच्या जनसंपर्क दांडगा आहे.अनेक लोकांच्या सुखदुःखात सहभागी होत अनेक प्रश्न त्यांनी सोडविले आहेत.तर विजय जाधव हे स्थानिक भूमिपुत्र असून त्यांना विविध समस्येची उत्तम जाण आहे. अनेक लोकांच्या समस्या सोडल्यामुळे त्यांना जनतेत मानाचे स्थान आहे त्यांचा जनसंपर्क उत्तम आहे. दोन्ही उमेदवार हे उत्तम नेतृत्व असलेले चारित्र्य संपन्न, जनतेशी नाळ जोडलेले व जनतेच्या अडी अडचणीत उपयोगी पडणारे व्यक्तीमत्व आहे.त्यामुळे हे दोन्ही उमेदवार व नगराध्यक्ष पदाचे उमेदवार भावनाताई घाणेकर या बहुमताने निवडून येतील असा आत्मविश्वास शिवसेनेचे एकनिष्ठ प्रामाणिक कट्टर कार्यकर्ते तथा शिवसेना ग्राहक संरक्षण कक्ष शहर प्रमुख संदीप जाधव यांनी व्यक्त केला. प्रभाग क्रमांक ८ मध्ये नगराध्यक्ष पदाचे उमेदवार भावनाताई घाणेकर, नगरसेवक पदाचे उमेदवार विणा तलरेजा,विजय जाधव यांना जनतेचा उत्तम प्रतिसाद मिळत आहे.सदर उमेदवार बहुमताने निवडून येण्यासाठी महाविकास आघाडीचे सर्वच नेते पदाधिकारी कार्यकर्ते रात्रंदिवस मेहनत घेत आहेत.


 Give Feedback



 जाहिराती