पुणे : पुणे जिल्हा शिक्षण मंडळाच्या अण्णासाहेब मगर महाविद्यालयातील राष्ट्रीय छात्र सेनेचा सीनियर अंडर ऑफिसर (एस.यु.ओ.) वैभव घोगरे याची प्रजासत्ताक दिनी दिल्ली येथे कर्तव्यपथ (राजपथ) संचलनासाठी निवड आहे. या संचालनात निवड होण्यासाठी त्याने सहा महिन्याच्या कालावधीत १० दिवसांचे एक अशी १० शिबिरे पूर्ण केली. या शिबिरांमध्ये मेहनत, परिश्रम व ड्रिल यांचा नियमित सराव करून त्यांची दिल्ली येथे होणाऱ्या संचलनासाठी निवड झाली आहे.
महाविद्यालयाच्या राष्ट्रीय छात्र सेनेचे छात्र गेले सलग चार वर्षे प्रजासत्ताक दिनी कर्तव्य पथावर (राजपथ) संचलनात सहभागी होत आहेत. ही महाविद्यालयासाठी गौरवाची बाब आहे अशी माहिती महाविद्यालयाचे प्राचार्य व सावित्रीबाई फुले पुणे विद्यापीठाचे व्यवस्थापन परिषद सदस्य डॉ. नितीन घोरपडे यांनी दिली.
या कामगिरीबद्दल सीनियर अंडर ऑफिसर (एस.यु.ओ.) वैभव घोगरे यांचे पुणे जिल्हा शिक्षण मंडळाचे अध्यक्ष व महाराष्ट्र राज्याचे उपमुख्यमंत्री अजितदादा पवार, उपाध्यक्ष राजेंद्र घाडगे, मानद सचिव व सावित्रीबाई फुले पुणे विद्यापीठाचे अधिसभा सदस्य ॲड. संदीप कदम, खजिनदार ॲड. मोहनराव देशमुख, उपसचिव एल. एम. पवार, सहसचिव (प्रशासन) ए. एम. जाधव, उपप्राचार्य डॉ. प्रशांत मुळे, डॉ. शुभांगी औटी, प्रा. अनिल जगताप, प्रा. गजाला सय्यद, राष्ट्रीय छात्र सेना अधिकारी कॅप्टन डॉ. धिरज देशमुख, सर्व प्राध्यापक, शिक्षकेतर कर्मचारी, विद्यार्थी यांनी अभिनंदन केले.
