मुंबई : मराठी नाट्य क्षेत्रात भरीव कामगिरी करणाऱ्या नाट्यकर्मींचा दरवर्षी नाट्य परिषदेच्या वतीने सन्मान केला जातो. यंदा अखिल भारतीय मराठी नाट्य परिषद, मुंबईच्या वतीने १४ जून रोजी गो.ब. देवल पुरस्कार समारंभाचे आयोजन करण्यात आले आहे.यंदाच्या वर्षासाठी ज्येष्ठ सिने-नाट्य अभिनेते अशोक सराफ व ज्येष्ठ अभिनेत्री रोहिणी हट्टंगडी यांना जीवनगौरव पुरस्कार जाहीर करण्यात आला आहे. मागील तीन वर्षांपासून पुरस्कारांचे वितरण करण्यात आले नव्हते. नाट्य परिषदेची निवडणूक पार पडताच, कमी वेळात तातडीने नवनिर्वाचित नियामक मंडळाने जीवनगौरव पुरस्कार देण्याचे योजिले आहे. १४ जून २०२४ रोजी सायंकाळी ४ वाजता माटुंगा येथील यशवंत नाट्य संकुलात अशोक सराफ आणि रोहिणी हट्टंगडी यांना या पुरस्काराने सन्मानित करण्यात येणार आहे. नाट्यरसिकांमध्ये या सोहळ्याची चांगलीच उत्सुकता आहे.
नाट्यक्षेत्रात उत्कृष्ट कामगिरी करणाऱ्या रंगकर्मीचा नाट्य परिषदेच्या वतीने सत्कार केला जातो. त्यानिमित्ताने यंदा कलावंतांचा मेळावा आयोजित करण्यात आला आहे.१०० वं नाट्य संमेलन नुकतचं पार पडलं. या नाट्य संमेलनानिमित्त आयोजित करण्यात आलेला 'नाट्य कलेचा जागर' यातील सर्वोत्कृष्ट पारितोषिकप्राप्त एकांकिका, बालनाट्य, एकपात्री, नाट्यछटा, नाट्य संगीत पद गायन, नाट्य अभिवाचन कार्यक्रम यानिमित्ताने सादर होणार आहेत. कै. शाहीर साबळे, कै. सुधीर भट, कै. स्मिता तळवळकर आणि कै. आनंद अभ्यंकर यांच्या स्मृतिप्रीत्यर्थ नाट्य परिषदेतर्फे हा पुरस्कार प्रदान करण्यात येणार आहे.
यावर्षी १४ जून २०२४ रोजी यशवंतराव चव्हाण नाट्यसंकुल, मनमाला टँक रोड, माटुंगा येथे सायंकाळी ४ वाजता सर्व पुरस्कार दिले जाणार असल्याची माहिती नाट्य परिषदेचे अध्यक्ष प्रशांत दामले यांनी दिली आहे.
नाट्य क्षेत्रात भरीव कार्य करणाऱ्या नाट्यकर्मींचा सन्मान नाट्य परिषदेच्या वतीने दरवर्षी केला जातो. यानिमित्ताने कलावंतांचा मेळावा आयोजित करण्यात येणार आहे. तसेच १०० व्या नाट्यसंमेलनानिमित्त घेण्यात आलेला ‘नाट्यकलेचा जागर’ यातील सर्वोत्कृष्ट पारितोषिक प्राप्त एकांकिका, बालनाट्य, एकपात्री, नाट्यछटा, नाट्यसंगीत पद गायन, नाट्य अभिवाचन कार्यक्रम यानिमित्ताने सादर होणार आहेत. कलावंत व नाट्य रसिकांनी या कार्यक्रमास उपस्थित रहावे असे आवाहन प्रशांत दामले यांनी केले आहे.
१. ज्येष्ठ अभिनेत्री रोहिणी हट्टंगडी – अखिल भारतीय मराठी नाट्य परिषद, जीवनगौरव पुरस्कार
२. ज्येष्ठ अभिनेते अशोक सराफ – अखिल भारतीय मराठी नाट्य परिषद, जीवनगौरव पुरस्कार
३. गणेश तळेकर – लीला मेहता पुरस्कृत भार्गवराव पांगे कार्यकर्ता पुरस्कार
४. प्रशांत जोशी – डॉ. न. अ. बरवे स्मृति पुरस्कार
५. दिपाली घोंगे – अखिल भारतीय मराठी नाट्य परिषद पुरस्कृत कै. कमलाकर वैशंपायन स्मृति पुरस्कार
६. शशांक लिमये – श्रीमती शिबानी जोशी पुरस्कृत कै. भालचंद्र त्र्यंबक जोशी स्मृति पुरस्कार
७. विजय जगताप – शंकरराव भोसले पुरस्कृत बाळकृष्ण ध. भोसले स्मृति पुरस्कार
८. संजय देवधर – वि.स. खांडेकर नाट्यसमीक्षा पुरस्कार
९. गोविंद गोडबोले – कालिंदी केळुस्कर पुरस्कृत, अ.सी. केळुस्कर स्मृति पुरस्कार
१०. अभिनय, कल्याण अभिजीत झुंजारराव
११. प्रणीत बोडके
१२. अशोक ढेरे
१३. सुनील बेंडखळे
१४. श्याम आस्करकर
१५. रितेश साळुंके