भिगवण: भिगवण येथील वैकुंठ स्मशानभूमीत नागरिकांना बसण्यासाठी आवश्यक असणाऱ्या शेडचे भूमिपूजन राष्ट्रवादीचे आण्णासाहेब धवडे शुभहस्ते सरपंच गुराप्पा पवार यांच्या उपस्थितीत करण्यात आले .कॅबिनेट मंत्री दतात्रय भरणे यांनी जिल्हा नियोजन समितीच्या माध्यमातून २० लाख रुपयाचा निधी मंजूर झाल्याची माहिती अजिंक्य माडगे उपाध्यक्ष राष्ट्रवादी काँग्रेस पुणे जिल्हा यांनी सांगितले.

भिगवण वैकुंठ स्मशानभूमीत नागरिकांना बसण्यासाठी शेडची व्यवस्था होती मात्र सुशोभीकरण करताना आणि स्मशानभूमीची उंची वाढविण्याच्या हेतूने तत्कालीन सरपंच तानाजी वायसे यांच्या कार्यकाळात हे शेड काढण्यात आले होते.मात्र शेड काढल्याने अंत्यविधीसाठी आलेल्या नागरिकांना बसण्यासाठी अडचणींचा सामना करावा लागत होता.ग्रामस्थ आणि कार्यकर्ते यांनी याबाबत मंत्री दतात्रय भरणे यांच्याकडे मागणी केली होती.याच मागणीची तातडीने दखल घेत मंत्री भरणे यांनी जिल्हा नियोजन समितीतून २० लाख रुपयाचा निधी मंजूर केला.या शेडचे भूमिपूजन आज करण्यात आले. यावेळी प्रथमच भिगवन गावातील सर्व पक्षातील प्रमुख पदाधिकारी उपस्थित होते. सर्वांच्या उपस्थितीने आम्ही सर्वजण भिगवन गावच्या विकासासाठी एकत्रित आहोत असा संदेश देखील देण्यात आला.

राष्ट्रवादीचे ज्येष्ठ नेते आण्णासाहेब धवडे यांच्या शुभ हस्ते नारळ फोडून भूमिपूजन करण्यात आले. यावेळी सरपंच गुराप्पा पवार, राष्ट्रवादीचे अजिंक्य माडगे,उपसरपंच सत्यवान भोसले ,बाजार समिती उपसभापती पराग जाधव ,पंचायत समितीचे माजी उपसभापती संजय देहाडे ,माजी सरपंच तानाजी वायसे ,कपिल भाकरे,दत्ता वाघ,दत्ता धवडे ,माजी उपसरपंच प्रदीप वाकसे ,अजिंक्य माडगे ,राजेंद्र भिसे,अशोक शिंदे ,जावेद शेख ,तुषार क्षीरसागर ,सचिन बोगावत ,बापूराव थोरात ,संदीप वाकसे, संतोष धवडे ,मोहन शेंडगे ,वैभव देवकाते ,रोहित भरणे ,अमोल देवकाते , शुभम शेलार ,आप्पासाहेब गायकवाड ,रोहित शेलार ,विक्रम देवकाते ,निखील बोगावत ,अमोल वाघ ,आकाश उंडाळे ,दत्तात्रय पाचांगने ,अनिल तांबे ,सुरेश बिबे ,दिनानाथ मारणे,भाऊसाहेब भरणे ,संदीप शेलार उपस्थित होते.

भिगवणकरांची अनेक दिवसांची समस्या होती स्मशानभूमीमध्ये सर्व सोयी सुविधा निवारा शेड ची गरज होती हीच गरज ओळखून मा. कॅबिनेट मंत्री दत्तात्रय भरणे यांच्या माध्यमातून काम होत असल्याचा आनंद आहे,कोणत्याही प्रकारचे राजकारण न करता सर्वांनी विकास कामांमध्ये एकत्रित व्हावे व गावचा विकाससाधून घ्यावा.

सचिन बोगावत कोषाध्यक्ष पुणे जिल्हा राष्ट्रवादी काँग्रेस