पुणे : गिरिप्रेमी संस्थेच्या अध्यक्षपदी ज्येष्ठ गिर्यारोहक उमेश झिरपे यांची निवड करण्यात आली आहे. संस्थेची ४४ वी वार्षिक सर्वसाधारण सभा नुकतीच पार पडली. यावेळी नव्या कार्यकारिणीची घोषणा करण्यात आली.
नवीन कार्यकारिणीत रुपेश खोपे यांची कार्याध्यक्ष, मनोज कुलकर्णी यांची सचिव आणि अखिल काटकर यांची कोषाध्यक्षपदी निवड झाली. तसेच उषा पागे, भूषण हंगे, आशिष माने आणि विवेक शिवदे यांची कार्यकारिणी सदस्य म्हणून नियुक्ती करण्यात आली.
सभेदरम्यान गिरिप्रेमी संस्थेने नुकतीच यशस्वीपणे पूर्ण केलेल्या तिसऱ्या माउंट एव्हरेस्ट मोहिमेसह वर्षभरात राबविण्यात आलेल्या विविध साहसी उपक्रमांचा आढावा घेण्यात आला. संस्थेच्या आगामी उपक्रमांबाबतही यावेळी चर्चा करण्यात आली.