मुंबई : मुंबईतील गिरगाव परिसरातील एका हॉटेलमध्ये सुरू असलेल्या कथित देहव्यापार रॅकेटवर मुंबई पोलिसांनी धाड टाकत मोठी कारवाई केली आहे. या कारवाईत दोन अभिनेत्रींची सुटका करण्यात आली असून, त्यापैकी एक मराठी चित्रपटसृष्टीतील तर दुसरी बंगाली व हिंदी चित्रपटांमध्ये छोट्या भूमिका साकारणारी अभिनेत्री असल्याची माहिती पोलिसांनी दिली आहे.

या प्रकरणात एका संशयित दलालाला रंगेहाथ अटक करण्यात आली आहे. प्राथमिक तपासात तो सेलिब्रिटींसोबत काम करणारा मेकअप आर्टिस्ट असल्याचे समोर आले आहे. पोलिसांनी या संपूर्ण प्रकरणाचा तपास सुरू केला असून आर्थिक व्यवहार, या रॅकेटमागील इतर संबंधित व्यक्ती तसेच हॉटेल व्यवस्थापनाची भूमिका याचीही चौकशी केली जात आहे.

पोलिसांच्या माहितीनुसार, कारवाईपूर्वी एका बनावट ग्राहकाच्या माध्यमातून या बेकायदेशीर प्रकाराची खातरजमा करण्यात आली. त्यानंतर हॉटेलवर छापा टाकून दोन महिलांची सुटका करण्यात आली आणि संशयित दलालाला ताब्यात घेण्यात आले.

तपासात समोर आलेल्या माहितीनुसार, सुटका करण्यात आलेल्या महिलांना कथितरित्या देहव्यापारासाठी भाग पाडले जात होते. ग्राहकांकडून मोठ्या प्रमाणात पैसे उकळले जात असल्याचाही संशय पोलिसांनी व्यक्त केला आहे.

दरम्यान, सुटका करण्यात आलेल्या महिलांची ओळख गोपनीय ठेवण्यात आली असून त्यांच्या नावांचा किंवा इतर वैयक्तिक माहितीचा खुलासा पोलिसांनी केलेला नाही. या प्रकरणाचा तपास गुन्हे शाखेकडून सुरू असून, पुढील चौकशीत आणखी धक्कादायक माहिती समोर येण्याची शक्यता व्यक्त केली जात आहे.

छोट्या जाहिराती

जाहिरात:

व्ही.पी. पॉलीफॅब प्रा. लि.

ॲक्रेलिक | पॉलीकार्बोनेट | PVC | PP | HDPE फॅब्रिकेशन

✔ औद्योगिक अधातू फॅब्रिकेशन

✔ ॲल्युमिनियम वर्कटेबल्स, मशीन गार्ड्स व कव्हर्स

✔ ट्रॉफी, स्मृतिचिन्हे, बॅजेस, लॅपटॉप स्टँड

✔ ॲक्रेलिक लेझर कटिंग, CNC राउटर वर्क

✔ 3D प्रिंटिंग, प्रोटोटाइप व LED फोटो फ्रेम्स

संपर्क: महेश कुगावकर

 9822501194 / 9689916013