पुणे: इंडियन रेड क्रॉस सोसायटी  मार्फत  देण्यात येणारा शैक्षणिक वर्षे २०२४-२५ उत्कृष्ट युथ रेड क्रॉस युनिट महाविद्यालय म्हणून  पुणे जिल्हा शिक्षण मंडळाचे, मामासाहेब मोहोळ महाविद्यालयास उत्कृष्ठ महाविद्यालय पुरस्कार नोशेर नानावटी करंडक देण्यात आला. यावेळी प्रमुख पाहुणे म्हणून प्रसिद्ध गिर्यारोहक उमेश झिरपे, इंडियन रेड क्रॉस सोसायटी युथ रेड क्रॉस चेअरमन प्राचार्य डॉ. संजय खरात, सचिव उषा साळवी, प्रा.आर.व्ही कुलकर्णी, राजकुमार शहा, फील्ड ऑफीसर भारती कांबळे यांच्या हस्ते नोशेर नानावटी फिरता चषक व प्रमाणपत्र देणून सन्मानित करण्यात आले.

युथ रेड क्रॉस युनिट मार्फत महाविद्यालयाने शैक्षणिक वर्षांमध्ये विद्यार्थ्यांच्या सर्वांगीण विकासासाठी घेण्यात आलेल्या नाविन्यपूर्ण उपक्रमासाठी तसेच पल्स पोलिओ लसीकरण मोहीम, निर्माल्य संकलन, गणेश विसर्जनामध्ये प्रथमोपचार कार्य, पोलीस मित्र म्हणून काम, दिव्यांग विद्यार्थ्यांना परीक्षेसाठी लेखनिक म्हणून काम, आपत्ती व्यवस्थापन प्रशिक्षण, राष्ट्रीय राज्यस्तरीय शिबिरांमध्ये  सहभाग घेत राज्याचे प्रतिनिधित्व केले तसेच पुणे शहरामध्ये विविध सामाजिक उपक्रमात सक्रिय सहभाग नोंदवला व उपक्रम राबविले याबद्दल हा पुरस्कार प्रदान करण्यात आला आहे.   

महाविद्यालयाच्या प्राचार्या डॉ. शर्मिला चौधरी यांच्या मार्गदर्शनाखाली उप प्राचार्य डॉ मेघना भोसले, युथ रेड क्रॉस काँन्सिलर व राष्ट्रीय सेवा योजना कार्यक्रम अधिकारी डॉ. अशोक शेळके, काँन्सिलर डॉ. रुपाली शेंडकर यांनी व राष्ट्रीय सेवा योजना कार्यक्रम अधिकारी प्रा.संतोष मोरे, प्रा.सीमा कांबळे, डॉ.प्रकाश हुंबाड, प्रा.निकिता कदम बांडे, प्रा. प्रियांका जाधव, प्रा.मनीषा खंडाळे, प्रा.गोकुळ सहाणे, श्वेता इंगुळकर, प्रा.कीर्ती करांजवणे, डॉ.स्वाती शिंदे, श्री.विनोद रणपिसे, विद्यार्थी प्रतिनिधी आविष्कार कोडगे, अविनाश राठोड,सुरज शिराळे, सृष्टी बारस्कर, मयुरी पांचाळ यांनी २०२४-२५ या शैक्षणिक वर्षात उपक्रम राबविले. पुणे जिल्हा शिक्षण मंडळाचे सर्व पदाधिकारी यांनी महाविद्यालयाला सलग तिसऱ्या वर्षी सर्वोत्कृष्ट महाविद्यालय पुरस्कार मिळाल्याबद्दल अभिनंदन केले.