पुणे : आयटी हब हिंजवडीमधून एक धक्कादायक घटना समोर आली.23 वर्षीय आयटी अभियंत्याने आत्महत्या केल्याची धक्कादायक घटना पुण्यात उघडकीस आली आहे. हिंजवडी फेज एक येथील अॅटलास कॉपको कंपनीच्या सातव्या मजल्यावरून तरुणाने उडी मारली. पीयूष कवडे असे मयत आयटी इंजिनिअरचे नाव आहे. ही घटना सोमवार दुपारी घडली. 'माझ्या मृत्यूस कोणालाही जबाबदार धरू नये' अशा आशयाची चिठ्ठी या अभियंत्याने लिहून ठेवली आहे. पीयूष अशोक कवडे, वय 23 वर्ष, रा. वाकड, मूळ रा. नाशिक, असे आत्महत्या केलेल्या अभियंता तरुणाचे नाव आहे. छातीत दुखत असल्याचे सांगत मिटिंग सोडून बाहेर येत आयटी अभियंत्याने बिल्डिंग वरून उडी मारत मृत्यूला कवटाळले आहे. या घटनेने हिंजवडी परिसरात एकच खळबळ उडाली आहे.
मिळालेल्या माहितीनुसार, या तरुणाचे नाव पियुष अशोक कवडे वय 23 वर्षे, असून रा स्वप्नशिल्प बंगला, ज्यूडिओ समोर वाकड पुणे मूळ रा परशुराम गंगाराम रोड, आकाशवाणी जवळ, नाशिक. सकाळी १० च्या सुमारास ही घटना घडल्याची माहिती समजते. ॲटलास कॉपको कंपनीमध्ये तो काम करतो. पोलिसांना सुसाईड नोट मिळाली त्यामध्ये लिहिण्यात आले आहे ,की "मी आयुष्यात सगळ्या ठिकाणी अपयशी ठरलो आहे, मला माफ करा," असं सुसाईड नोटमध्ये लिहिलेल आहे. पीयूष हा मूळ नाशिकचा असून सध्या तो वाकड येथे राहत होता. त्याच्या आत्महत्येमुळे एकच खळबळ उडाली असून पोलीस पुढील तपास करत आहेत
.JPG)
