तुळजापूर :  तुळजाभवानी देवीच्या भक्तांसाठी एक महत्त्वाची बातमी समोर आली आहे. तुळजाभवानी मंदिर समितीने घेतलेल्या निर्णयानुसार, येत्या 10 दिवसांसाठी मंदिराच्या गाभाऱ्यातील दर्शन बंद ठेवण्यात येणार आहे. या कालावधीत भाविकांना केवळ देवीचं मुखदर्शनच करता येणार आहे. देवीच्या मंदिरातील सिंहासन गाभाऱ्यात जीर्णोद्धाराचे काम हाती घेण्यात येत असल्यामुळे येत्या 10 दिवसांकरिता गाभाऱ्यातील दर्शन बंद ठेवण्यात येणार आहे. मंदिर समितीने हा निर्णय घेतला असून, या काळात भाविकांना केवळ मुखदर्शनाचीच परवानगी असणार आहे.

मंदिराच्या अंतर्गत काही आवश्यक धार्मिक विधी, साफसफाई व देखभालीच्या कारणामुळे हा निर्णय घेण्यात आल्याचं मंदिर समितीने स्पष्ट केलं आहे. त्यामुळे गाभाऱ्यात प्रत्यक्ष प्रवेश भाविकांना मिळणार नाही. मात्र, देवीचं मुखदर्शन मंदिराच्या बाह्य भागातून करता येईल, अशी सुविधा करण्यात आली आहे.तुळजाभवानी देवीच्या मंदिरातील सिंहासन गाभाऱ्यात जीर्णोद्धाराचे काम हाती घेण्यात येत असल्यामुळे येत्या 10 दिवसांकरिता गाभाऱ्यातील दर्शन बंद ठेवण्यात येणार आहे. मंदिर समितीने हा निर्णय घेतला असून, या काळात भाविकांना केवळ मुखदर्शनाचीच परवानगी असणार आहे.

मंदिराच्या गाभाऱ्यात देवीचा सिंहासन भाग अनेक वर्षांनंतर पहिल्यांदाच मोठ्या प्रमाणावर दुरुस्त केला जाणार आहे. त्यामुळे या भागात भक्तांना प्रवेश नाकारण्यात आला असून, भाविकांनी सहकार्य करावे, असे आवाहन मंदिर प्रशासनाने केले आहे.तुळजाभवानी देवीच्या इतर धार्मिक विधी, सिंहासन पूजा, अभिषेक पूजा नियमित सुरू राहणार असल्याची माहिती मंदिर संस्थानकडून देण्यात आली आहे.

दरम्यान, या 10 दिवसांत मंदिर परिसरात दर्शनासाठी योग्य ती व्यवस्था करण्यात येणार असून, मुखदर्शनासाठी भाविकांना अडचण येणार नाही, याची दक्षता घेतली जात आहे. सुरक्षेच्या दृष्टीनेही अतिरिक्त पोलिस बंदोबस्त ठेवण्यात आला आहे.मंदिर प्रशासनाने भाविकांनी संयम बाळगावा आणि सहकार्य करावे, असे आवाहन केले आहे. दर्शनाच्या या नियमात होणाऱ्या तात्पुरत्या बदलामुळे भाविकांची गैरसोय टाळण्यासाठी पोलिस बंदोबस्त आणि मार्गदर्शन कक्षांचीही विशेष व्यवस्था करण्यात आली आहे.