मुंबई : मुंबईत मोठ्या राजकीय घडामोडींना सुरुवात झाली आहे. शिवसेना (ठाकरे गट) प्रमुख उद्धव ठाकरे आणि मनसे अध्यक्ष राज ठाकरे यांनी सहा महापालिकांच्या निवडणुका एकत्र लढण्याचा निर्णय घेतला आहे. दोन बंधूंमध्ये झालेल्या या ऐतिहासिक एकजुटीने राज्याच्या राजकारणात मोठी चर्चा रंगली आहे.

मुंबई: माजी मुख्यमंत्री, शिवसेना ठाकरे गटाचे प्रमुख उद्धव ठाकरे यांनी काल (27 नोव्हेंबर) मनसेप्रमुख राज ठाकरे यांची शिवतीर्थ या निवासस्थानी भेट घेतली. यावेळी राज ठाकरे आणि उद्धव ठाकरे यांच्यात मुंबई महानगरपालिकेसह विविध मुद्द्यांवर चर्चा झाली.

राज ठाकरेंची मनसे आणि उद्धव ठाकरेंचा शिवसेना ठाकरे गट राज्यातील सहा महापालिकेच्या निवडणुका एकत्र लढणार आहेत. मुंबई महापालिकेसह कल्याण-डोंबिवली, नवी मुंबई, ठाणे, नाशिक, पुणे महापालिकेत ठाकरेंची शिवसेना आणि मनसेची युती होणार आहे. ठाणे महापालिका निवडणुकीच्या अनुषंगाने ठाकरेंच्या शिवसेनेकडून राजन विचारे, तर मनसेकडून अविनाश जाधव यांना जागा वाटपाची चर्चा करण्याची जबाबदारी देण्यात आली आहे. तसेच कल्याण-डोंबिवली महापालिकेमध्ये मनसेचे माजी आमदार राजू पाटील, तर ठाकरेंच्या शिवसेनेकडून आमदार वरूण सरदेसाई यांच्याकडे जागा वाटपाच्या चर्चेची जबाबदारी असणार आहे. 

काल शिवतीर्थवर झाली बैठक

माजी मुख्यमंत्री उद्धव ठाकरे यांनी 27 नोव्हेंबर रोजी शिवतीर्थ येथे राज ठाकरे यांची भेट घेतली. या भेटीत मुंबई महानगरपालिका निवडणुकीसह अनेक महत्त्वाच्या मुद्द्यांवर सविस्तर चर्चा झाली.

या सहा महापालिका निवडणुका युतीतूनठाकरे बंधूंची युती खालील सहा महापालिकांसाठी ठरली आहे—

बृहन्मुंबई महानगरपालिका

ठाणे महानगरपालिका

कल्याण-डोंबिवली महानगरपालिका

नवी मुंबई महानगरपालिका

पुणे महानगरपालिका

नाशिक महानगरपालिका

राज्यातील प्रमुख मराठीबहुल शहरांत दोन्ही पक्षांची ताकद लक्षात घेता, ही युती अत्यंत महत्त्वाची मानली जाते.

जागावाटपाची जबाबदारी ठरली

ठाण्यात—

शिवसेना (ठाकरे गट): राजन विचारे

मनसे: अविनाश जाधव

कल्याण-डोंबिवलीत—

मनसे: माजी आमदार राजू पाटील

शिवसेना (ठाकरे गट): आमदार वरुण सरदेसाई

मराठीबहुल प्रभागांमध्ये जोरदार रस्सीखेच

मनसेने मराठीबहुल प्रभागात अधिक जागांची मागणी केली आहे.यात दादर, माहिम, वरळी, शिवडी, भायखळा, भांडूप, जोगेश्वरी — या महत्त्वाच्या क्षेत्रांचा समावेश आहे.शिवसेना (ठाकरे गट) कडे विद्यमान नगरसेवक असलेल्या 20–25 प्रभागांसाठीही मनसेकडून मागणी करण्यात आल्याचे सूत्रांनी सांगितले. तसेच शिंदे गटात गेलेल्या नगरसेवकांच्या जागांवरदेखील मनसेचा आग्रह आहे.मात्र शिवसेना (ठाकरे गट) ‘स्थानिक संघटनात्मक ताकद आणि तगडा उमेदवार’ या निकषावर जागावाटप करणार असल्याचे कळते.

‘कोण कुठून लढणार?’ — अजून निर्णय बाकी

ठाकरे बंधूंच्या कालच्या बैठकीत काही जागांवर निर्णय न झाल्याने, पुढील काही दिवसांत आणखी चर्चा होणार आहेत. निवडून येण्याची क्षमता असलेल्या प्रत्येक प्रभागावर सविस्तर चर्चा केली जाणार आहे.