मुंबई : महायुती सरकारसाठी महत्त्वाची आणि निवडणुकीत ‘गेमचेंजर’ ठरलेली मुख्यमंत्री लाडकी बहीण योजना सध्या निर्णायक टप्प्यावर आली आहे. या योजनेतील 40 लाखांहून अधिक महिला लाभार्थ्यांवर अपात्र ठरण्याची टांगती तलवार आहे. कारण मोठ्या संख्येने लाभार्थ्यांनी अद्याप ई-केवायसी प्रक्रिया पूर्ण केलेली नाही. पात्रतेची पडताळणी करण्यासाठी राज्य सरकारने ई-केवायसी बंधनकारक केली असून, मुदत संपल्यानंतर अपूर्ण प्रकरणांवर कारवाई होण्याची शक्यता आहे.

मुख्यमंत्री माझी लाडकी बहीण योजनेची सुरुवात जुलै 2024 पासून करण्यात आली आहे. तेव्हापासून लाडकी बहीण योजनेच्या पात्र लाभार्थ्यांना दरमहा 1500 रुपये दिले जातात.महाराष्ट्र शासनाच्या महिला व बालविकास विभागाकडून मुख्यमंत्री माझी लाडकी बहीण योजना चालवली जाते.लाडकी बहीण योजनेतून पात्र महिलांना दरमहा 1500 रुपयांची रक्कम दिली जाते. या योजनेचा लाभ योग्य आणि पात्र लाभार्थी महिलांना मिळावा म्हणून सर्व लाभार्थी महिलांना ई-केवायसी करणं बंधनकारक करण्यात आलं आहे.

लाडक्या बहि‍णींना ई- केवायसी करण्यासाठी मुदत 31 डिसेंबर 2025 पर्यंत वाढवून देण्यात आली आहे.आतापर्यंत 1 कोटी 60 लाख महिलांनी ई केवायसी केली असल्याची माहिती समोर आली आहे.अद्याप 30 ते 40 लाख महिलांनी ई केवायसी प्रक्रिया पूर्ण केलेली नाहीय. त्यामुळे 31 डिसेंबर 2025 पर्यंत ई केवायसी न केल्यास 40 लाखांहून अधिक महिला योजनेतून अपात्र होतील, अशी माहिती महिला व बाल विकास विभागातील अधिकाऱ्याने दिली आहे.

मुख्यमंत्री माझी लाडकी बहिण योजनेतील अपात्र बहिणींचा शोध घेण्यासाठी 31 डिसेंबरपर्यंत ई केवायसी करणे बंधनकारक करण्यात आले आहे.सद्यस्थितीत 2 कोटी 47 लाख महिलांना लाडकी बहिण योजनेचा लाभ मिळत आहे.मुख्यमंत्री माझी लाडकी बहीण योजनेची सुरुवात जुलै 2024 पासून करण्यात आली आहे. तेव्हापासून लाडकी बहीण योजनेच्या पात्र लाभार्थ्यांना दरमहा 1500 रुपये दिले जातात.

ई-केवायसी बंधनकारक का?

योजनेचा लाभ केवळ पात्र महिलांनाच मिळावा, तसेच अपात्र लाभार्थी आणि काही सरकारी कर्मचाऱ्यांनी घेतलेला लाभ रोखण्यासाठी ई-केवायसी सक्तीची करण्यात आली आहे. यामुळे योजनेतील पारदर्शकता आणि अचूकता राखली जाणार आहे.

किती महिलांनी केली ई-केवायसी?

महिला व बालविकास विभागाच्या माहितीनुसार,

आतापर्यंत 1 कोटी 60 लाख महिलांनी ई-केवायसी पूर्ण केली आहे

मात्र अजूनही 30 ते 40 लाख महिलांनी प्रक्रिया पूर्ण केलेली नाही

अंतिम मुदत कधीपर्यंत?

लाडक्या बहिणींना ई-केवायसी करण्यासाठीची अंतिम मुदत 31 डिसेंबर 2025 पर्यंत वाढवून देण्यात आली आहे. या तारखेपर्यंत ई-केवायसी न केल्यास संबंधित महिलांना योजनेतून अपात्र ठरवले जाऊ शकते, अशी माहिती विभागातील अधिकाऱ्यांनी दिली आहे.

सध्या किती लाभार्थी?

सध्या 2 कोटी 47 लाख महिला लाडकी बहीण योजनेचा लाभ घेत आहेत

योजनेची सुरुवात जुलै 2024 पासून करण्यात आली

पात्र महिलांना दरमहा 1500 रुपये थेट खात्यात दिले जातात

ई-केवायसी कुठे सुरू आहे?

ई-केवायसी प्रक्रिया राज्यभर सुरू असून —

महिला व बालविकास विभाग

संबंधित शासकीय यंत्रणा

ऑनलाइन माध्यमे

तसेच अनेक जिल्ह्यांमध्ये विशेष शिबिरे आयोजित करण्यात आली आहेत

पुढे काय कारवाई होणार?

ई-केवायसी पूर्ण न करणाऱ्या लाभार्थ्यांची स्वतंत्र यादी तयार केली जाणार असून, पात्रतेची छाननी केली जाईल. नियमांनुसार पात्रता सिद्ध न झाल्यास योजनेतून वगळण्याचा निर्णय घेतला जाऊ शकतो. मात्र अंतिम निर्णयानंतरच अधिकृत घोषणा केली जाणार आहे.

आचारसंहितेचा परिणाम नाही

राज्य सरकारने स्पष्ट केले आहे की, या योजनेच्या अनुदान वितरणावर आचारसंहितेचा कोणताही परिणाम होणार नाही, कारण ही योजना आधीपासूनच सुरू आहे.एकूणच, लाडकी बहीण योजनेतील ई-केवायसी प्रक्रिया सरकारसाठी आणि लाखो महिलांसाठी अत्यंत महत्त्वाची ठरणार असून, अंतिम निर्णयाकडे सर्वांचे लक्ष लागले आहे.