मुंबई : बॉलिवूडचा भाईजान सलमान खान पुन्हा एकदा प्रेक्षकांच्या भेटीला येण्यासाठी सज्ज झाला आहे. भारत–चीन सीमारेषेवरील गलवान खोऱ्यात झालेल्या ऐतिहासिक संघर्षावर आधारित बहुचर्चित चित्रपट ‘बॅटल ऑफ गलवान’ चा दमदार टीझर सलमान खानच्या वाढदिवशीच प्रदर्शित करण्यात आला आहे. 27 डिसेंबर 2025 रोजी सलमान खानने साठीत पदार्पण केलं आणि याच खास दिवशी चाहत्यांना त्याच्या आगामी चित्रपटाची मोठी भेट मिळाली.

बॉलिवूडचा भाईजान म्हणजेच सलमान खानचा आणखी एक ब्लॉकबस्टर, बहुचर्चित सिनेमा प्रेक्षकांच्या भेटीला येतोय. चीन आणि भारताच्या सीमारेषेवरील गलवान खोऱ्यात झालेल्या भारत आणि चीनी सैन्यातील संघर्षाची ही कथा आहे. मीडिया रिपोर्ट्सनुसार, बॅटल ऑफ गलवान चित्रपटाची रिलीज डेट समोर आली आहे. 27 डिसेंबर 2025 रोजी सलमान खानने साठीत प्रवेश केला.सलमानच्या 'बॅटल ऑफ गलवान'ची सध्या जोरदार चर्चा सुरू आहे. जवानो याद रखे, जखम लगे तो मेडल समजना और मौत दिखे तो सलाम करना... या डॉयलॉगने या टिझरची सुरुवात होत आहे. नेटीझन्सकडून सलमानचा हा टिझर पाहताच सिनेमाची उत्कंठा आणखी वाढली आहे. प्रेक्षक या चित्रपटाच्या प्रदर्शनाची आतुरतेने वाट पाहत आहेत. दरम्यान, या चित्रपटातील सलमान खानचा प्रभावी लूक समोर आला होता, त्याचा हा लूक पाहून चाहते अधिक उत्साही झाले. आता, भाईजान सलमानच्या वाढदिवसादिनीच त्याच्या 'बॅटल ऑफ गलवान' सिनेमाचा टिझर रिलीज झाला आहे. 

मीडिया रिपोर्ट्सनुसार, बॅटल ऑफ गलवान चित्रपटाची रिलीज डेट समोर आली आहे. 27 डिसेंबर 2025 रोजी सलमान खानने साठीत प्रवेश केला. मध्यरात्रीपासूनच चाहत्यांकडून आणि सेलिब्रिटींकडून सलमानवर शुभेच्छांचा वर्षाव होत आहे. अपेक्षाप्रमाणे चाहते सेलिब्रेशनच्या मूडमध्ये आहेत. या वर्षीचा वाढदिवस खास ठरला तो सलमानच्या आगामी 'बॅटल ऑफ गलवान' चा टीझरच्या प्रदर्शित होण्याने. "टीझरपूर्वी चित्रपटाचे पोस्टर्स 25 किंवा 26 डिसेंबर रोजी प्रदर्शित करण्यात आले. आता, अंगावर काटा आणणारा टीझर लाँच झाला आहे. रिपोर्ट्सनुसार, 'बॅटल ऑफ गलवान' या चित्रपटात सलमान खानसोबत चित्रांगदा सिंग मुख्य भूमिकेत झळकणार आहे. सलमानने या चित्रपटात कर्नल बिकुमल्ला संतोष बाबू यांची भूमिका साकारली आहे. हा चित्रपट शिव अरुर आणि राहुल सिंह यांचे पुस्तक 'इंडियाज मोस्ट फियरलेस 3'मधील एका चॅप्टरवर आधारीत आहे.

टीझरची सुरुवात

“जवानो याद रखे, जखम लगे तो मेडल समजना और मौत दिखे तो सलाम करना…”या अंगावर काटा आणणाऱ्या डायलॉगने होत असून, टीझर पाहताच सोशल मीडियावर प्रेक्षकांकडून जबरदस्त प्रतिक्रिया उमटत आहेत. भारतीय सैन्याचा शौर्यगाथा मोठ्या पडद्यावर पाहण्यासाठी चाहते उत्सुक असल्याचं दिसून येत आहे.

 कर्नल संतोष बाबूंच्या भूमिकेत सलमान खान

मीडिया रिपोर्ट्सनुसार, या चित्रपटात सलमान खान भारतीय सेनेचे शूर अधिकारी कर्नल बिकुमल्ला संतोष बाबू यांची भूमिका साकारताना दिसणार आहे. याआधी समोर आलेल्या सलमानच्या दमदार लूकने चाहत्यांची उत्सुकता अधिकच वाढवली होती. टीझर प्रदर्शित झाल्यानंतर ‘बॅटल ऑफ गलवान’ चर्चेचा केंद्रबिंदू ठरला आहे.या चित्रपटात सलमान खानसोबत अभिनेत्री चित्रांगदा सिंग मुख्य भूमिकेत झळकणार आहे. ‘बॅटल ऑफ गलवान’ हा चित्रपट शिव अरुर आणि राहुल सिंह यांच्या ‘India’s Most Fearless 3’ या पुस्तकातील एका सत्य घटनेवर आधारित आहे.

रिलीज डेटही चर्चेत

रिपोर्ट्सनुसार, ‘बॅटल ऑफ गलवान’ चित्रपटाची रिलीज डेट निश्चित करण्यात आली असून, येत्या काळात अधिकृत घोषणा होण्याची शक्यता आहे. टीझरपूर्वी 25 किंवा 26 डिसेंबर रोजी चित्रपटाचे पोस्टर्स प्रदर्शित करण्यात आले होते.

 वरळी सी लिंकवर लेझर शोद्वारे सलमानला शुभेच्छा

दरम्यान, सलमान खानचा 60 वा वाढदिवस देशभरात मोठ्या उत्साहात साजरा करण्यात आला. सोशल मीडियावर शुभेच्छांचा वर्षाव सुरू असतानाच, मुंबईतील वरळी सी लिंकवर लेझर शोद्वारे सलमान खानला खास शुभेच्छा देण्यात आल्या. या हटके सेलिब्रेशनचा व्हिडिओ सध्या सोशल मीडियावर मोठ्या प्रमाणात व्हायरल होत आहे.सिनेसृष्टीतील अनेक दिग्गज कलाकारांनीही सलमान खानला त्याच्या 60 व्या वाढदिवसानिमित्त शुभेच्छा दिल्या आहेत. वाढदिवस आणि ‘बॅटल ऑफ गलवान’चा टीझर – यामुळे यंदाचा भाईजानचा बर्थडे चाहत्यांसाठी खास ठरला आहे.