धाराशिव : धाराशिव जिल्हा परिषद व पंचायत समिती निवडणुकीच्या पार्श्वभूमीवर लोकशाहीचा उत्सव सर्वत्र उत्साहात साजरा होत असताना, धाराशिव लोकसभा मतदारसंघाचे खासदार ओमराजे निंबाळकर यांनी आज गोवर्धनवाडी येथे सपत्नीक आपला मतदानाचा हक्क बजावला.मतदानानंतर खासदार निंबाळकर यांनी लोकशाहीतील मतदानाच्या महत्त्वावर भर देत सांगितले की, “लोकशाहीत मतदान हा सर्वात महत्त्वाचा आणि मौल्यवान अधिकार आहे. प्रत्येक नागरिकाने कोणताही अपवाद न करता आपला मतदानाचा हक्क बजावणे अत्यंत आवश्यक आहे.”तसेच त्यांनी सर्व मतदारांना नम्र आवाहन करत सांगितले की, “आपण सर्वांनी मतदान प्रक्रियेत सक्रिय सहभाग घेऊन लोकशाही अधिक बळकट करावी.”खासदार ओमराज निंबाळकर यांनी स्वतः मतदान करून जबाबदार नागरिकत्वाचे उदाहरण घालून दिले असून, त्यांच्या या कृतीमुळे मतदारांमध्ये सकारात्मक संदेश गेला आहे.जिल्हा परिषद व पंचायत समिती निवडणुकीत मोठ्या प्रमाणावर नागरिकांनी सहभागी होऊन लोकशाहीचा हा उत्सव यशस्वी करावा, असे आवाहनही यावेळी करण्यात आले.
