पुणे : राष्ट्रवादी काँग्रेसचे सर्वेसर्वा शरद पवार यांना रुग्णालयात तपासणीसाठी नेण्यात आलं आहे. दिवंगत नेते अजित पवार यांच्या निधनानंतर गेल्या काही दिवसांपासून ते आपल्या बारामती, मुंबई आणि पुण्यातील घरी दौरे करत होते. राष्ट्रवादी काँग्रेसचे ज्येष्ठ नेते शरद पवार यांना अचानक खोकल्याचा त्रास जाणवू लागल्याने त्यांना पुण्यातील रुबी हॉल क्लिनिकमध्ये वैद्यकीय तपासणीसाठी नेण्यात आले आहे. गेल्या काही दिवसांपासून ते बारामती, मुंबई आणि पुणे येथे कौटुंबिक व राजकीय भेटीगाठींमध्ये व्यस्त होते. या काळात पक्षाचे पदाधिकारी आणि कार्यकर्ते त्यांची सातत्याने भेट घेत होते.आज सकाळपासून शरद पवार यांना खोकल्याचा त्रास जाणवू लागल्याने त्यांच्या कुटुंबीयांनी खबरदारीचा उपाय म्हणून त्यांना रुबी हॉस्पिटलमध्ये नेले. त्यांच्यासोबत खासदार सुप्रिया सुळे उपस्थित आहेत.
रुबी हॉल क्लिनिकचे प्रमुख डॉक्टर परवेझ ग्रँट यांनी सांगितले की, सध्या शरद पवार यांची सविस्तर वैद्यकीय तपासणी सुरू आहे. सर्व चाचण्यांचे अहवाल आल्यानंतर त्यांना घरी पाठवायचे की निरीक्षणासाठी रुग्णालयात दाखल करायचे, याबाबत निर्णय घेतला जाईल.रुग्णालय प्रशासनाने दिलेल्या माहितीनुसार, शरद पवार यांची प्रकृती सध्या स्थिर असून डॉक्टरांचे पथक त्यांच्यावर लक्ष ठेवून आहे. तपासणीनंतरच पुढील वैद्यकीय पावले उचलली जाणार आहेत.
