पुणे : पुणेकरांना अधिक सक्षम, गुणवत्तापूर्ण आणि नागरिकाभिमुख सुविधा उपलब्ध करून देण्यासाठी आज पुणे महानगरपालिकेच्या विविध विभागांच्या कामकाजाचा सविस्तर आढावा घेण्यात आला. या बैठकीत शहरातील महत्त्वाच्या सेवांबाबत प्रशासनाला स्पष्ट सूचना देण्यात आल्या.
पाणीपुरवठा, आरोग्य सेवा, जलसंधारण, सुरक्षा व्यवस्था, अतिक्रमण नियंत्रण तसेच प्राणी उपचार सुविधा यांसह शहरातील सुरू असलेल्या विकासकामांना गती देण्यावर विशेष भर देण्यात आला. सर्व प्रकल्प वेळेत आणि दर्जेदार पद्धतीने पूर्ण करण्याच्या सूचना संबंधित अधिकाऱ्यांना देण्यात आल्या.नागरिकांना अधिक कार्यक्षम, पारदर्शक आणि दर्जेदार सेवा मिळाव्यात यासाठी सर्व विभागांनी समन्वयाने काम करावे, असेही प्रशासनाकडून स्पष्ट करण्यात आले.पुण्याच्या सर्वांगीण विकासासाठी प्रशासन कटिबद्ध असल्याचे या आढाव्यातून अधोरेखित झाले.
