नवी दिल्ली : पेट्रोल आणि डिझेलच्या दरात अवघ्या चार दिवसांत दुसऱ्यांदा वाढ करण्यात आली आहे. मंगळवारपासून लागू झालेल्या नव्या दरांनुसार पेट्रोलच्या किमतीत 91 पैशांची, तर डिझेलमध्ये 94 पैशांची वाढ झाली आहे. याआधी 15 मे रोजीही इंधन दरात मोठी वाढ करण्यात आली होती. सलग होत असलेल्या दरवाढीमुळे सर्वसामान्य नागरिक, वाहनचालक आणि वाहतूक क्षेत्रावर अतिरिक्त आर्थिक भार पडण्याची शक्यता व्यक्त केली जात आहे.

आंतरराष्ट्रीय बाजारात कच्च्या तेलाच्या किमतीत झालेली वाढ, तसेच इराण-अमेरिका-इस्रायल तणावाचा परिणाम भारतीय बाजारावर दिसून येत आहे. पेट्रोलियम कंपन्यांवरील वाढता आर्थिक ताण कमी करण्यासाठी इंधन दरवाढ करण्यात आल्याचे बोलले जात आहे. आगामी काळातही कच्च्या तेलाचे दर उच्चांकी राहिल्यास इंधनाचे दर आणखी वाढण्याची शक्यता वर्तवली जात आहे.

महाराष्ट्रातील प्रमुख शहरांतील नवे इंधन दर

मुंबई : पेट्रोल 107.49 रुपये, डिझेल 94.02 रुपये

पुणे : पेट्रोल 107.86 रुपये, डिझेल 94.40 रुपये

नागपूर : पेट्रोल 108.06 रुपये, डिझेल 94.63 रुपये

सोलापूर : पेट्रोल 108.21 रुपये, डिझेल 94.75 रुपये

कोल्हापूर : पेट्रोल 108.37 रुपये, डिझेल 94.93 रुपये

नाशिक : पेट्रोल 108.84 रुपये, डिझेल 95.35 रुपये

रायगड : पेट्रोल 108.82 रुपये, डिझेल 95.30 रुपये

अमरावती : पेट्रोल 109.15 रुपये, डिझेल 95.68 रुपये

परभणी : पेट्रोल 109.49 रुपये, डिझेल 95.96 रुपये

रत्नागिरी : पेट्रोल 109.53 रुपये, डिझेल 96.06 रुपये

गोंदिया : पेट्रोल 109.54 रुपये, डिझेल 96.08 रुपये

सिंधुदुर्ग : पेट्रोल 109.55 रुपये, डिझेल 96.07 रुपये

दरम्यान, महाराष्ट्राच्या तुलनेत गोव्यात इंधन दर काहीसे कमी असून तेथे पेट्रोल 101.25 रुपये आणि डिझेल 92.99 रुपये प्रति लिटर दराने विकले जात आहे.सलग वाढणाऱ्या इंधन दरांचा परिणाम वाहतूक, भाजीपाला, किराणा आणि इतर जीवनावश्यक वस्तूंच्या किमतींवरही होण्याची शक्यता व्यक्त केली जात आहे.