पुणे : भारतीय विद्या भवन आणि इन्फोसिस फाऊंडेशन यांच्या संयुक्त विद्यमाने जागतिक पर्यावरण दिनानिमित्त काव्य आणि गीतांची सुरेल गुंफण असलेला 'सृष्टीचे सृजन गान' हा सांगीतिक कार्यक्रम शुक्रवार, दि.५ जून २०२६ रोजी सायंकाळी ६ वाजता आयोजित करण्यात आला आहे. भारतीय विद्या भवनचे सरदार महादेव बळवंत नातू सभागृह,सेनापती बापट रस्ता येथे हा कार्यक्रम होणार आहे.'शिवमंगल स्वर नाट्यधारा' निर्मित या कार्यक्रमाची संकल्पना अंजली कऱ्हाडकर यांची आहे.
या कार्यक्रमात अस्मिता परांजपे, सीमा परांजपे, अवनी परांजपे, आर्या परांजपे, शिवानी सरपोतदार आणि अंजली कऱ्हाडकर हे कलाकार सहभागी होणार आहेत. तसेच सुदिन जोशी (संवादिनी), ओंकार जोशी (तबला) आणि अमृता ठाकूरदेसाई (सिंथेसायझर) हे कलाकार साथसंगत करणार आहेत.भारतीय विद्या भवन आणि इन्फोसिस फाऊंडेशन यांच्या संयुक्त विद्यमाने सांस्कृतिक प्रसार कार्यक्रमांतर्गत आयोजित करण्यात येणारा हा २९३ वा कार्यक्रम आहे,प्रवेश विनामूल्य आहे,अशी माहिती भारतीय विद्या भवनचे संचालक प्रा. नंदकुमार काकिर्डे यांनी दिली. पर्यावरण, निसर्ग आणि मानवी जीवन यांचा परस्परसंबंध उलगडणाऱ्या कविता, गीते आणि संगीताची अनोखी मेजवानी रसिकांना अनुभवता येणार आहे.पर्यावरण संवर्धनाचा संदेश कला, काव्य आणि संगीताच्या माध्यमातून प्रभावीपणे पोहोचविण्याचा प्रयत्न या कार्यक्रमातून केला जाणार आहे.
