संरक्षण मंत्रालयाच्या सल्लागार
समितीवर खासदार डॉ. शिवाजी काळगे यांची नेमणूक... 

नवी दिल्ली: केंद्र सरकारचे अत्यंत महत्वाचे असलेले संरक्षण मंत्रालयाच्या सल्लागार समितीवर माझी नेमणूक करण्यात आली आहे. देशाचे संरक्षणमंत्री मा. राजनाथ सिंहजी यांच्या अध्यक्षतेखाली असलेल्या या समितीत महाराष्ट्रातून दोन लोकसभा खासदारांना संधी देण्यात आली आहे. बारामतीच्या मा. खा. सुप्रियाताई सुळे यांचाही या समितीत समावेेश करण्यात आला आहे.

या पुर्वी मागील महिन्यातच केंद्रीय ऊर्जा विभागाच्या संसदीय समितीवर सदस्य म्हणून माझी नेमणूक झाली आहे. संरक्षण विभागाच्या या सल्लागार समितीत संरक्षणमंत्री राजनाथ सिंहजी यांच्यासोबत संरक्षण खात्याचे राज्यमंत्री मा. संजयजी सेठ हे अध्यक्ष आहेत. समितीत लोकसभेतील १४, राज्यसभेतील सहा तर दोन पदसिद्ध सदस्यांचा समावेश आहे. संरक्षण विभागाच्या योजना, धोरण, कार्यक्रम व अन्य विषयावर चर्चा करून सल्ला देण्याचे काम समिती करते. देशाच्या संरक्षण विषयक बाबीसाठी सल्ला देण्याची संधी यानिमित्ताने सदस्यांना मिळते. संरक्षणविषयक ध्येय धोरणे व निर्णयांपूर्वी समितीचा सल्ला संरक्षण विभागाकडून विचारात घेतला जातो. या समितीत स्थान देण्यात आल्याने लातूरची मान निश्चितच उंचावली आहे. मा. सोनियाजी गांधी, विरोधी पक्षनेते मा. राहूलजी गांधी, अखिल भारतीय काँग्रेस कमिटीचे अध्यक्ष मा. मल्लिकार्जून खर्गेजी यांच्या सुचनेनुसार कॉँग्रेस पक्षाच्या कोट्यातून माझी संरक्षण विभागाच्या सल्लागार समितीवर नेमणूक करण्यात आली आहे त्याबद्दल मी आभार व्यक्त करतो. मी समिती सदस्याच्या जबाबदारीतून नेत्यांनी दाखवलेल्या विश्वासाला साजेसे काम करून दाखवण्याचा प्रामाणिक प्रयत्न करेन. या नेमणुकी बद्दल माजीमंत्री सहकारमहर्षी आदरणीय दिलीपरावजी देशमुख, अमितजी विलासराव देशमुख, धीरजजी विलासराव देशमुख यांनी अभिनंदन केले व शुभेच्छा दिल्या.

#defenseministry #indiangovernment #cunsultativecommittee #RahulGandhi #mallikarjunkharge #NanaPatole #amitvdeshmukh #DhirajVilasraoDeshmukh #laturloksabha #DilipraoDeshmukh #supriyasule