पुणे : पुणे जिल्हा शिक्षण मंडळाचे सांगवी येथील बाबुरावजी घोलप महाविद्यालयातील लैंगिक अत्याचार तक्रार समिती अंतर्गत ज्येष्ठ विधिज्ञ ॲड. ज्योती दत्तात्रय सोरखडे यांचे 'लैंगिक अत्याचार प्रतिबंध - जागरूकता व कायदे ओळख' या विषयावर विशेष व्याख्यानाचे आयोजन करण्यात आले. सावित्रीबाई फुले पुणे विद्यापीठाच्या व्यवस्थापन परिषद सदस्या व महाविद्यालयाच्या प्राचार्या डॉ. संगीता जगताप कार्यक्रमाच्या अध्यक्षस्थानी होत्या. याप्रसंगी उपप्राचार्य डॉ. वंदना पिंपळे, महाविद्यालय विकास समिती सदस्य डॉ. चंदा हासे, समन्वयक डॉ. अमृता इनामदार, अॅड. वंदना सोरखडे यांची प्रमुख उपस्थिती होती.कार्यक्रमाचे प्रास्ताविक करत असताना समन्वयक डॉ. अमृता इनामदार यांनी लैंगिक अत्याचार प्रतिबंधक समितीचा उद्देश व त्या अंतर्गत घेण्यात येणाऱ्या विविध कार्यक्रमाची माहिती उपस्थित विद्यार्थ्यांना दिली.

'लैंगिक अत्याचार प्रतिबंध - जागरूकता व कायदे ओळख' या विषयावर मार्गदर्शन करताना महाविद्यालयाच्या माजी विद्यार्थिनी ॲड. ज्योती सोरखाडे यांनी लैंगिक अत्याचार म्हणजे काय, त्यात समाविष्ट होणाऱ्या बाबी आणि त्यासंबंधी असणारे नियम व कायदे या विषयावर  विद्यार्थ्यांना मार्गदर्शन केले.आपल्या अध्यक्षीय मनोगतात प्राचार्या डॉ. संगीता जगताप यांनी महाविद्यालायातील कोणत्याही विद्यार्थ्यांनी लैंगिक अत्याचार किंवा तत्सम कोणत्याही विषया बाबत आपली तक्रार असेल तर ती निसंकोचपणे समितीच्या सदस्यांकडे नोंदवावी असे आवाहन केले. तसेच सदर समस्यांचे निराकरण व आवश्यक समुपदेशन समिती अंतर्गत करण्यात येईल असे मत व्यक्त केले.

महाविद्यालयाच्या सभागृहामध्ये आयोजित या कार्यक्रमासाठी कला, वाणिज्य, विज्ञान व बी. व्होक शाखेतील विद्यार्थी बहुसंख्येने उपस्थित होते. या व्याख्यानाचे सूत्रसंचालन डॉ. दीपाली चिंचवडे, पाहुण्यांची ओळख प्रा. गुरुदेवी स्वामी तर आभार प्रदर्शन प्रा. प्रणाली शितोळे यांनी केले. सदर कार्यक्रमाच्या यशस्वितेसाठी डॉ. नरसिंग गिरी, डॉ. मनीषा शेवाळे, डॉ. सीमा चौहान, प्रा. शीतल नलावडे, डॉ. मनीषा त्र्यंबके, डॉ. रश्मी भूयान, प्रा. सुषमा सोनार, प्रा. प्रणाली शितोळे, प्रणीत पावले यांनी विशेष परिश्रम घेतले.